- ده تخلف
قالها اللي جنبي بعصبية
- قلتله إيه اللي تخلف ؟ قال "الناس اللي في سوق السيارات يركنوا عربياتهم في وسط الشارع و يقفلوا الطريق على اللي رايح و اللي جي"
- قلت ببراءة "طيب يعني المفروض يعملوا إيه" .. قال بغضب (غالباً مني) "يركنوا عربياتهم في موقف السوق خاصة إنه كبير و فيه أماكن فاضية بس هم عايزين يبقوا بره عشان يبيعوا بسرعة و ياخدوا أحسن زبون"
- تسائلت تاني : "و هم غلط إنهم عايزيم مصلحتهم ؟؟"
- لأ الغلط إنهم عايزين مصلحتهم على حساب المصلحة العامة !
قلت في عقلي صح .. الناس دي مبصيتش أبعد من رجلها .. مصلحتها الشخصية و طز في مصلحة المجتمع
و لو سألت واحد من اللي في السوق .. يقولك منا كنت بقف جوه محدش بيجيلي .. ليه ؟ عشان فيه ناس تانية بتقف بره بتاخد الزبون (قلت في عقل بالي و توقف الطريق و طبعاً لو قلتله منت كدة بتأذي الناس التانية حيقوول يعني أموت نفسي عشان الناس التانية أخسر أنا عشان الناس التانية )
و مهياش شغلته إنه يدخل الناس اللي بره جوه
طيب و فين الهيئة التنظيمية ؟ اللي هي في الحالة دي المرور .. كالمعتاد مش موجود .. ليه ما تعرفش ؟ طيب و عدم وجود المرور ده مش تخلف ؟ يمكن برضه عايز مصلحته الشخصية على حساب مصلحة العامة !
يعني كل المشكلة هيه الإيثار (المصلحة الخاصة على العامة وللا العكس) ، أو النظر خطوتين قدام بدل ما بنبص تحت رجلينا !
السؤال اللي بيطرح نفسه .. طيب الناس المعترضه عملت إيه؟؟؟ .. ولا حاجة .. ولا حتى رفعت الموبايل تطلب اشرطة و تبلغ عن الوضع الي حاصل . طيب ماهي السلبية دي الأخرى تخلف !
يعني هو عشان موجعش دماغي أسيب الغلط قائم و أشتم بعصبية و أقول ده تخلف و بس ؟؟
في الأخر كبرت دماغي و قلت و أنا مالي و رجعت لهمومي العادية ما بين شغل و غلاء و حياة و غيره . (يعني كمان أنا مالي طلعت مشكلة و لا بتحاول تعمل حاجة كويسة و لا تمنع حاجة وحشة)
و لتستمر سيمفونية التخلف ....
Ahmad Hossny
Qasaqis.blogspot.com
قالها اللي جنبي بعصبية
- قلتله إيه اللي تخلف ؟ قال "الناس اللي في سوق السيارات يركنوا عربياتهم في وسط الشارع و يقفلوا الطريق على اللي رايح و اللي جي"
- قلت ببراءة "طيب يعني المفروض يعملوا إيه" .. قال بغضب (غالباً مني) "يركنوا عربياتهم في موقف السوق خاصة إنه كبير و فيه أماكن فاضية بس هم عايزين يبقوا بره عشان يبيعوا بسرعة و ياخدوا أحسن زبون"
- تسائلت تاني : "و هم غلط إنهم عايزيم مصلحتهم ؟؟"
- لأ الغلط إنهم عايزين مصلحتهم على حساب المصلحة العامة !
قلت في عقلي صح .. الناس دي مبصيتش أبعد من رجلها .. مصلحتها الشخصية و طز في مصلحة المجتمع
و لو سألت واحد من اللي في السوق .. يقولك منا كنت بقف جوه محدش بيجيلي .. ليه ؟ عشان فيه ناس تانية بتقف بره بتاخد الزبون (قلت في عقل بالي و توقف الطريق و طبعاً لو قلتله منت كدة بتأذي الناس التانية حيقوول يعني أموت نفسي عشان الناس التانية أخسر أنا عشان الناس التانية )
و مهياش شغلته إنه يدخل الناس اللي بره جوه
طيب و فين الهيئة التنظيمية ؟ اللي هي في الحالة دي المرور .. كالمعتاد مش موجود .. ليه ما تعرفش ؟ طيب و عدم وجود المرور ده مش تخلف ؟ يمكن برضه عايز مصلحته الشخصية على حساب مصلحة العامة !
يعني كل المشكلة هيه الإيثار (المصلحة الخاصة على العامة وللا العكس) ، أو النظر خطوتين قدام بدل ما بنبص تحت رجلينا !
السؤال اللي بيطرح نفسه .. طيب الناس المعترضه عملت إيه؟؟؟ .. ولا حاجة .. ولا حتى رفعت الموبايل تطلب اشرطة و تبلغ عن الوضع الي حاصل . طيب ماهي السلبية دي الأخرى تخلف !
يعني هو عشان موجعش دماغي أسيب الغلط قائم و أشتم بعصبية و أقول ده تخلف و بس ؟؟
في الأخر كبرت دماغي و قلت و أنا مالي و رجعت لهمومي العادية ما بين شغل و غلاء و حياة و غيره . (يعني كمان أنا مالي طلعت مشكلة و لا بتحاول تعمل حاجة كويسة و لا تمنع حاجة وحشة)
و لتستمر سيمفونية التخلف ....
Ahmad Hossny
Qasaqis.blogspot.com
No comments:
Post a Comment